విదేశాలకు వలసవెళ్లి అక్కడ ఇబ్బందులు ఎదుర్కొంటున్న వారిపట్ల మంత్రి కేటీఆర్ మరోసారి తన ఉదారతను చాటుకున్నారు. కువైట్‌లో కేసుల్లో ఇరుక్కొని జైలు జీతం గడుపుతున్న నిజామాబాద్‌ జిల్లా వాసి ప్రశాంత్‌కు మంత్రి కేటీఆర్‌ సాయం చేశారు. ప్రశాంత్ కిడ్నీ వ్యాధితో బాధపడుతున్నాడని, అక్రమ కేసుల్లో ఇరుక్కొని జైలు జీవితం గడుపుతున్నాడని అతని కుటుంబ సభ్యులు కేటీఆర్ దృష్టికి తీసుకెళ్లారు. దీనిపై స్పందించిన కేటీఆర్.. ప్రశాంత్‌ను హైదరాబాద్‌కు తీసుకువచ్చేలా చర్యలు తీసుకోవాలని అధికారులను ఆదేశించారు. దీంతో రంగంలోకి దిగిన జీఏడీ ఎన్ఆర్ఐ అధికారులు, కువైట్ అధికారులను సంప్రదించి ప్రశాంత్‌ను హైదరాబాద్‌కు తీసుకువచ్చారు.అనంతరం ప్రశాంత్‌ను నిమ్స్ ఆస్పత్రిలో చేర్పించారు.