మనామా: తీవ్రవాదం కేసులకు సంబంధించి ముగ్గురు బహ్రెయిన్ అనుమానితులను సౌదీ భద్రతా అధికారులు అరెస్టు చేశారు ఈ విషయాన్ని సౌదీ మీడియా శనివారం నివేదించారు. గత నెలలో అరెస్ట్ కాబడిన 85 మంది బహ్రయినీయులలో అనుమానితుల జాబితాలో వీరు సైతం ఉండటంతో అదుపులోనికి తీసుకొన్నట్లు పేర్కొన్నారు. పట్టుబడిన ఈ తీవ్రవాద అనుమానితులకు  సంబంధించిన ఎటువంటి వివరాలు వెల్లడి చేయకుండా  ఒక  నివేదిక విడుదల చేశారు. ఈ అనుమానితులలో అత్యధిక శాతం మంది సౌదీ జాతీయులు ఆ తర్వాత పాకిస్తానీ ,యెమెన్ మరియు సిరియన్ దేశాలకు చెందిన అనుమానితులు ఉన్నట్లు వివరించారు. అయితే, ఈ బహ్రయినీయులను వేర్వేరు తేదీల్లో అరెస్టు చేసినట్లు తెలిపారు  విశ్వసనీయ సమాచారం మేరకు పట్టుబడిన నిందితులలో ఓ అనుమానిత బహ్రేయినీ వ్యక్తి  సౌదీ అరేబియాలో తీవ్రవాద కార్యకలాపాలలో చురుకైన పాత్ర పోషించినట్లు తెలుస్తుంది.  మోస్ట్ వాంటెడ్ వ్యక్తుల జాబితాలో గతంలోనే ఆ వ్యక్తి పేరుని చేర్చినట్లు తెలుస్తుంది. ఈ వ్యక్తి ఆచూకీ చెబితే గత అక్టోబర్ 1 మిలియన్ (100,000 బి డి ) ఒక బహుమతి సైతం ప్రకటించారు. పట్టుబడిన మరుసటి రోజు అనుమానితుడు గురించి సమాచారాన్ని బహ్రెయిన్ బహిర్గతం చేసింది. ఆ అనుమానిత నిందితుడు నాలుగు సంవత్సరాల క్రితమే బహ్రెయిన్ నుంచి పారిపోయాడని బహ్రేయినీ అధికారులు స్పష్టీకరించారు.