హైదరాబాద్ : ఓ మహిళను బెదిరించి లొంగదీసుకున్న సినీ దర్శకుడిపై మేడిపల్లి పోలీస్‌స్టేషన్‌లో అత్యాచార కేసు నమోదైంది. మధురానగర్‌లో నివసిస్తున్న కార్తికేయ బోడుప్పల్‌ ప్రాంతంలో నివసిస్తున్న ఓ యువతితో ఫేస్‌బుక్‌ ద్వారా పరిచయం పెంచుకున్నాడు. సినిమాలకు దర్శకత్వం వహిస్తానని చెప్పడంతో ఆమె డబ్బు పెట్టుబడి పెడతానని అతడికి చెప్పింది. ఇద్దరి మధ్య ఉన్న పరిచయంతో ఒకరోజు ఆమె ఫొటోలు, వీడియోలను కార్తికేయ చిత్రీకరించాడు. వాటిని అడ్డంపెట్టుకుని అతడు ఆమెను లొంగదీసుకున్నాడు. కార్తీకేయ బెదరింపులు మితిమీరడంతో మేడిపల్లి పోలీసులకు ఫిర్యాదు చేసింది. కేసు నమోదు చేసి దర్యాప్తు చేస్తున్నారు.