దుబాయ్ :  మొబైల్ ఫోన్ వచ్చిన కొత్తలో ఫోటోలు దిగి ఫేస్‌బుక్, ట్విటర్, ఇన్‌స్టాగ్రామ్‌లో పెట్టిన నెటిజన్లు.. సెల్ఫీ వచ్చాక.. వారికి హద్దే లేకుండా పోయింది. వెరైటీగా అనిపిస్తే చాలు.. సెల్ఫీ దిగడం సోషల్ మీడియాలో పెట్టేయడం.. ఫ్యాషనైపోయింది. ఎవరూ వెళ్లలేని, చేరుకోలేని ప్రాంతాలకు వెళ్లి మరీ సెల్ఫీలు దిగుతూ.. గ్రేట్ అనిపించుకుంటున్నారు. రష్యాకు చెందిన ప్రముఖ మోడల్.. 23 ఏళ్ల  రష్యన్ మోడల్ విక్టోరియా ఒడింట్‌కోవా కూడా గత నెలలో ఓ సెల్ఫీ వీడియోను, దానికి సంబంధించిన ఫోటోలను సోషల్ మీడియాలో పోస్ట్ చేసింది. ఒళ్లు గగుర్బొడిచే ఆ వీడియో, ఫోటోలు సోషల్ మీడియాలో విస్తృతంగా  ప్రచారం అయ్యాయి. ప్రపంచంలోనే అత్యంత ఎత్తైన దుబాయి ఒకటైనా  లాడ్జి కాయిన్ టవర్  నుండి డాంగ్లింగ్  స్కైక్రాపర్‌ను ఎక్కి ఆమె చేసిన సాహసాన్ని వీక్షించి అందరు ముక్కున వేలేసుకుని, గుండె పట్టుకుని మరీ నెటిజన్లు వీక్షిస్తున్నారు. 306  మీటర్ల ( 1004 ) అడుగుల ఎత్తైన ఆ టవర్‌పై తన సహాయకుడి చేతిని పట్టుకుని గాల్లోకి ఒక్కసారిగా జర్రున  జారిపోయింది. ఈ వీడియోను చూసిన నెటిజన్లు.. ఔరా అని ఆశ్చర్యపోతున్నారు.