రోజుకి ఒకన్నర నుంచి రెండు కేజీల బరువు తగ్గించాలన్నది వైద్యుల లక్ష్యం. ప్రపంచంలోనే భారీకాయురాలు ఇమన్ అహ్మద్ కేవలం 5 రోజుల్లో 30 కేజీల బరువు తగ్గడంపై వైద్యులను ఆశ్చర్యపరుస్తోంది. వారం కిందట ఇమన్‌ను ఈజిప్టు నుంచి ముంబైకి వ్యయప్రయాసలకోర్చి తరలించారు. బెరియాట్రిక్ సర్జరీకి ముందు రోజుకి ఒకటిన్నర నుంచి రెండు కేజీల వంతున నెల రోజుల్లో 50 నుంచి 60 కేజీలు తగ్గించడానికి వైద్యులు ప్రత్యేక డైట్ రూపొందించారు. ఆపరేషన్‌కి ఇంకా మూడు వారాల గడువు ఉందనగా ఆమె కండిషన్ ఆశావహంగా ఉందని అంటున్నారు సైఫీ హాస్పిటల్ వైద్యులు. ఈజిప్టు నుంచి కార్గో విమానంలో, విమానాశ్రయం నుంచి క్రేన్ సహాయంతో ట్రక్కులో సుమారు 500 కేజీల బరువు ఉన్న ఇమన్‌ను ఆస్పత్రికి తరలించారు.

''ఆపరేషన్ థియేటర్‌లోని టేబుల్ సామర్థ్యం 450 కేజీలు. ఎలివేటర్ వెడల్పు 141 సెం.మీ. ఇమన్ మాత్రం 151 సెం.మీ. ఉంది. ఆపరేషన్ థియేటర్‌కు తీసుకువెళ్లగలిగేలా ఆమె బరువు తగ్గించాలన్నది మా ప్రస్తుత లక్ష్యం'' అని బెరియాట్రిక్ సర్జన్ డాక్టర్ ముఫజల్ లక్డావాలా చెప్పారు. కాళ్లు చేతులు కాస్త కదిలించగలుతున్న ఇమన్ వైద్యులకు ధన్యవాదాలు చెబుతోందట.