విమాన ప్రయాణీకుల కోసం ప్రముఖ విమానయాన సంస్థ ఎయిర్‌ ఏషియా ఇండియా సరికొత్త ఆఫర్‌ను అందుబాటులోకి తీసుకొచ్చింది. రూ.1,099కే విమాన టికెట్‌ను అందించనున్నట్లు తెలిపింది. ఫిబ్రవరి 19 వరకూ ఈ ఆఫర్‌ అందుబాటులో ఉంటుందని పేర్కొంది. ఫిబ్రవరి నుంచి ఏప్రిల్‌ 30, 2017 మధ్య ప్రయాణించే వారికి ఈ ఆఫర్‌ వర్తిస్తుందని ప్రకటించింది. గువహటి-ఇంఫాల్‌ మధ్య ప్రయాణించే వారికి మాత్రమే రూ.1,099కి టికెట్‌ లభించనుంది. కోచి-బెంగళూరు, బెంగళూరు హైదరాబాద్‌ల మధ్య రూ.1,449, గోవా-బెంగళూరు రూ.1,599, విశాఖపట్నం-బెంగళూరు రూ.1,699లుగా టికెట్‌ ధరలు ఉన్నాయి. అయితే ఎన్ని టికెట్లు అందుబాటులో ఉంటాయో సంస్థ వెల్లడించలేదు.