అధిక బరువైన ఉపగ్రహాలను నింగిలోకి పంపించే జీఎస్ఎల్‌వీ రాకెట్ ప్రయోగం తాత్కాలికంగా వాయిదా పడింది. రాకెట్ నిర్మాణంలో చిన్న చిన్న ఇబ్బందుల కారణంగా మార్చిలో జరగాల్సిన జీఎస్ఎల్‌వీ ఎఫ్ 09 రాకెట్ ప్రయోగం నెల పాటు వెనక్కి వెళ్లింది. ఫిబ్రవరిలో 104ఉపగ్రహాలను ఒకే రాకెట్‌లో పంపి రికార్డ్ సాధించిన సతీష్ ధావన్ అంతరిక్ష కేంద్రం మరో ప్రయోగానికి సిద్ధమైంది. చిన్న సాంకేతిక లోపం కారణంగా మార్చిలో నిర్వహించాల్సిన ప్రయోగాన్ని ఏప్రిల్‌కు మార్చామని షార్ వర్గాలు తెలిపాయి.