తమిళ్ సూపర్ స్టార్ రజనీకాంత్ ప్రస్తుతం శంకర్ దర్శకత్వం లో ' 2.0 ' మూవీ చేస్తున్న సంగతి తెల్సిందే. ఈ చిత్రం తర్వాత కబాలి ఫేమ్ పా. రంజిత్ దర్శకత్వం లో ఓ మూవీ చేయనున్నాడు. ఇప్పటికే ఈ మూవీ కి సంబదించిన అన్ని పనులు మొదలు పెట్టాడు రంజిత్. తాజాగా ఈ మూవీ లో రజని సరసన బాలీవుడ్ హాట్ బ్యూటీ విద్యా బాలన్ ను ఎంపిక చేసారని సమాచారం. ఇప్పటికే ఆమెతో దర్శక , నిర్మాతలు సంప్రదింపులు జరిపారని , ఆమెను కూడా రజని సరసన నటించడానికి ఒకే చెప్పిందని కోలీవుడ్ మీడియా చెపుతుంది.
ఒకవేళ ఇదే నిజమైతే తమిళం లో విద్యా నటించిన మొదటి చిత్రంగా నిలుస్తుంది. ఈ వార్తకు సంబంధించి అధికారిక ప్రకటన రావాల్సి ఉంది. ఇక ఈ చిత్రాన్ని రజని అల్లుడు , హీరో ధనుష్ నిర్మిస్తున్నాడు.
ఎన్నో అంచనాల మధ్య రంజిత్ - రజని కాంబినేషన్ లో వచ్చిన కబాలి మూవీ ప్లాప్ కావడం తో ఈసారి ఎలాగైనా రజని తో భారీ హిట్ కొట్టాలని రంజిత్ ప్లాన్ చేస్తున్నాడు.
ఇక రజని '2 . 0 ' విషయానికి వస్తే ప్రస్తుతం ఈ మూవీ ముంబై లో షూటింగ్ జరుగుతుంది. దాదాపు రూ. 450 కోట్ల తో ఈ మూవీ నీ లైకా ప్రొడక్షన్స్‌ పతాకంపై నిర్మిస్తున్నారు. ఈ చిత్రాన్ని అక్టోబరులో ప్రేక్షకుల ముందుకు తీసుకురావడానికి సన్నాహాలు చేస్తున్నారు.