మూవీ ఆర్టిస్ట్‌ అసోసియేషన్‌-మా కొత్త అధ్యక్షుడిగా శివాజీరాజా ఏకగ్రీవంగా ఎన్నికయ్యాడు. ప్రస్తుతం అధ్యక్షుడు రాజేంద్ర ప్రసాద్‌ పదవీకాలం ముగియడంతో నూతన కార్యవర్గాన్ని సభ్యులు ఎన్నుకున్నారు. ప్రధాన కార్యదర్శిగా నరేష్‌ ఎన్నికయ్యాడు. వెరైటీ పాత్రల్లో నటించిన శివాజీరాజా, టాలీవుడ్‌లో తనకంటూ ఇమేజ్ క్రియేట్ చేసుకున్నాడు. ఇప్పటివరకు సుమారు 250 సినిమాల్లో నటించి నూతన నటుడిగా నంది అవార్డును సొంతం చేసుకున్నాడు. రంగనాథ్‌ డైరెక్షన్‌లో తెరకెక్కిన 'మొగుడ్స్‌ పెళ్ళామ్స్‌' సినిమాలో హీరోగా కనిపించాడు.