ఆంధ్రప్రదేశ్‌లోని విజయవాడ కేంద్రంగా పని చేస్తున్న ప్రాంతీయ విమానయాన సంస్థ ఎయిర్ కోస్టా తన సర్వీసులను తాత్కాలికంగా నిలిపివేసింది. ఇప్పటికే టికెట్లు బుక్ చేసుకున్న వారికి రిఫండ్ ఇస్తోంది. అత్యవసర ప్రయాణాలున్నవారికి ప్రత్యామ్నాయ ఏర్పాట్లు చేస్తోంది. ఆర్థిక కారణాలతో పాటు పీక్ సీజన్, బెంగళూరు ఎయిర్ పోర్టు తాత్కాలికంగా మూసివేత నేపథ్యంలో ఈ నిర్ణయం తీసుకుంది. గురువారం లేదా శుక్రవారం నుంచి విమాన సర్వీసులను పునరుద్ధరించనున్నట్లు ఎయిర్ కోస్టా ప్రకటించింది.