గుంటూరులో హ్యాపీ సండే సందడి అందరిలో జోష్ నింపింది. నగరపాలక సంస్థ ఆధ్వర్యంలో మార్కెట్ సెంటర్లో నిర్వహించిన ఈ కార్యక్రమంలో యువత భారీ సంఖ్యలో పాల్గొన్నారు. హ్యాపీ సండేకు మ్యూజిక్ డైరెక్టర్ శశిప్రీతమ్ ముఖ్య అతిథిగా హాజరయ్యారు. మలినేని విద్యార్థులు చేసిన ఫ్లాష్ మాబ్ అందరినీ ఆకట్టుకుంది. బొంగరాలు, గోళీలు, కబడ్డీ లాంటి ఆటల్లో వయసుతో తేడా లేకుండా చాలా మంది పాల్గొన్నారు. సినిమా పాటలకు హుషారుగా డ్యాన్స్ చేస్తూ ఎంజాయ్ చేశారు.