పబ్లిక్‌ వర్క్స్‌ అథారిటీ - అష్గల్‌, అల్‌ రయ్యాన్‌ అల్‌ జదీద్‌ రోడ్‌పై ప్రధానమైన 'క్లోజర్‌'ని ప్రకటించింది. మార్చ్‌ 9 నుంచి తొమ్మిది రోజులపాటు ఈ క్లోజర్‌ అమల్లో ఉంటుంది. అస్ఫాల్ట్‌ చివరి పనుల్ని ప్రధాన ఇంటర్‌ఛేంజెస్‌ వద్ద పూర్తి చేయడం కోసం ఈ క్లోజర్‌ని ప్రకటించినట్లు అధికారులు తెలిపారు. కొత్త ఇంటర్‌ఛేంజ్‌లు ట్రాఫిక్‌ని మరింత మెరుగ్గా మార్చుతాయని వారు పేర్కొంటున్నారు. మార్చ్‌ 18న క్లోజర్‌ని ఎత్తివేస్తారు. ఆ తర్వాత ఈ రోడ్డుపై వాహనాలు ఎలాంటి సమస్యలు లేకుండా ముందుకు వెళతాయని ఆశిస్తున్నారు. అల్‌ రయ్యాన్‌ అల్‌ జదీద్‌ స్ట్రీట్‌, అల్‌ కలా స్ట్రీట్‌, అల్‌ బుసాయెర్‌ స్ట్రీట్‌ తదితర రోడ్లపై కొన్ని ప్రాంతాల్లో ఈ క్లోజర్‌ అమల్లో ఉంటుంది. వాహనదారులు, తమ వాహనాల్ని ఈ రోడ్లమీదుగా నడపాలనుకుంటున్నప్పుడు ప్రత్యామ్నాయ మార్గాలను ఎంచుకోవాలని అధికారులు సూచించారు. ప్రత్యామ్నాయ మార్గాలపై సూచికలు ఏర్పాటు చేసి, మ్యాప్‌ల ద్వారా అవగాహన కల్పిస్తున్నారు.