బ్యాడ్మింటన్ స్టార్ జ్వాలా గుత్తా తన సొంత బ్యాడ్మింటన్ అకాడెమీని ఏర్పాటు చేశారు. గ్లోబల్ అకాడెమీ ఫర్ బ్యాడ్మింటన్ పేరిట దీన్ని హైదరాబాద్ కుకట్‌పల్లిలో ఏర్పాటు చేసినట్టు ఆమె తెలిపారు. సుమారు 20 కోట్ల వ్యయంతో ఈ అకాడెమీని నెలకొల్పామని, ఈ సంవత్సరాంతానికి ఢిల్లీ, ముంబై, బెంగుళూరు, కోల్ కతా సిటీల్లోనూ అకాడెమీ కార్యకలాపాలు విస్తరిస్తామని ఆమె చెప్పారు.
డబుల్స్, సింగిల్స్ పోటీలపై సమానంగా దృష్టి పెడతామని చెప్పిన ఆమె.. గ్రామీణ ప్రాంతాల్లో సైతం వీటిని చేపడతామని అన్నారు. సొంత బ్యాడ్మింటన్ అకాడెమీని ఏర్పాటు చేయాలన్న తన కల ఈనాటికి నెరవేరిందని జ్వాల పేర్కొంది.