అమెరికాలో మరోసారి కాల్పుల కలకలం చెలరేగింది. సిన్సిన్నటి నైట్ క్లబ్‌లో కాల్పులు జరిగాయి. ఈ ఘటనలో ఒకరు మృతి చెందగా, 13 మంది గాయపడ్డారు. పోలీసులు కూడా దీనిని నిర్ధారించారు.
ఆదివారం తెల్లవారుజామున ఓ సాయుధుడు చొరబడి విచక్షణారహితంగా కాల్పులకు తెగబడినట్లు అక్కడి మీడియా వెల్లడించింది. ఘటన స్థలానికి చేరుకున్న పోలీసులు క్షతగాత్రులను ఆసుపత్రికి తరలించారు.
ఫ్లోరిడాలోని ఓర్లాండో నైట్‌క్లబ్‌లో కాల్పుల ఘటన చోటుచేసుకున్న ఏడాదిలోపే ఇది జరగడం గమనార్హం. ఓర్లాండో నైట్‌క్లబ్‌ కాల్పుల్లో ఉగ్రవాదులు మారణహోమం సృష్టించి 49 మందిని పొట్టనపెట్టుకున్న విషయం తెలిసిందే.