పవన్‌కల్యాణ్‌ కథానాయకుడిగా నటించిన చిత్రం ‘కాటమరాయుడు’. శ్రుతిహాసన్‌ కథానాయిక. డాలీ దర్శకత్వం వహించిన ఈ చిత్రం శుక్రవారం ప్రేక్షకుల ముందుకు వచ్చి బాక్సాఫీస్‌ వద్ద మంచి విజయాన్ని అందుకుంది. ఆదివారం తెలంగాణ ఐటీ, పురపాలకశాఖ మంత్రి కేటీఆర్‌ ‘కాటమరాయుడు’ చిత్రాన్ని చూశారు. ఈ సందర్భంగా పవన్‌కల్యాణ్‌తో సెల్ఫీ దిగి అభిమానులతో పంచుకున్నారు. ఈ చిత్రం ద్వారా హ్యాండ్లూమ్స్‌కు చక్కని ప్రచారం లభించిందన్నారు. చిత్ర బృందానికి అభినందనలు తెలిపారు.