ఫ్యామిలీ హీరో గా గుర్తింపు తెచ్చుకున్న హీరో శ్రీకాంత్ , ప్రస్తుతం చిన్న చిన్న క్యారెక్టర్ రోల్ లలో నటిస్తూ ప్రేక్షకులను మెప్పిస్తున్నాడు. ఈ మధ్యనే అల్లు అర్జున్ నటించిన సర్రాయినోడు మూవీ లో బన్నీ బాబాయ్ గా నటించి మంచి మార్కులు కొట్టేసి మెగా అభిమానాన్ని చొరగొన్న ఈ హీరో , తాజాగా మరో మెగా ఛాన్స్ కొట్టేసినట్లు తెలుస్తుంది.
మెగాస్టార్ చిరంజీవి టైటిల్ రోల్ లో రూపొందనున్న "ఉయ్యాలవాడ'' సినిమాలో శ్రీకాంత్ ఓ ముఖ్య రోల్ లో నటిస్తున్నాడట.
గతం లో చిరంజీవి నటించిన శంకర్ దాదా ఎంబీబీఎస్, శంకర్ దాదా జిందాబాద్ చిత్రాల్లో నటించి ఆకట్టుకున్నాడు. మళ్లీ మూడో సారి చిరు తో నటించే ఛాన్స్ కొట్టేసినట్లు వార్తలు వినిపిస్తున్నాయి. ఈ వార్త ఫై అధికారిక ప్రకటన రావాలి. అలాగే బాలీవుడ్ హీరో అక్షయ్ కుమార్ కూడా నటించనున్నాడనే ప్రచారం జరుగుతోంది.
అక్షయ్ ది నెగిటివ్ రోల్ అని అంటున్నారు. ప్రస్తుతం రోబో టూ లో కూడా అక్షయ్ నటిస్తున్నాడు. సురేందర్ రెడ్డి దర్శకత్వం లో "ఉయ్యాలవాడ'' మూవీ తెరకెక్కుతుంది.