తెలుగు సినిమా సీనియర్‌ నటి రమాప్రభకు ఆత్మీయ పురస్కారం అందజేస్తున్నామని రాగమయి సాంస్కృతిక సినీ సంగీత సంస్థ గౌరవ అధ్యక్షుడు ఎంవీ రాజశేఖర్‌ తెలియజేశారు. ఈమేరకు డాబాగార్డెన్స్‌ ప్రేమసమాజం మినీహాల్‌లో శుక్రవారం నిర్వహించిన విలేకరుల సమావేశంలో ఆయన వివరాలు తెలియజేశారు. మద్దిలపాలెంలోని కళాభారతిలో ఏప్రిల్‌ 2వ తేదీ ఆదివారం సాయంత్రం ఆరు గంటలకు ఈ కార్యక్రమం జరుగుతుందన్నారు. అంతేకాక సంస్థ అధ్యక్షురాలు కందర్ప రాధ సారథ్యంలో సంగీత విభావరి నిర్వహిస్తున్నామన్నారు. ఈ కార్యక్రమానికి పలువురు ప్రముఖలు హాజరవుతున్నారని చెప్పారు. కళాభిమానులు, సంగీత ప్రియులు కార్యక్రమానికి హాజరుకావాలని కోరారు.