శంషాబాద్‌ ఎయిర్‌పోర్ట్‌లో ప్రయాణికుల కష్టాలకు తెరపడనుంది. దేశంలోనే తొలిసారిగా ప్యాసింజర్‌ ఈజ్‌ ప్రైమ్‌ అనే నినాదంతో వాలంటీర్‌ సేవలను అందుబాటులోకి తీసుకొచ్చారు ఎయిర్‌పోర్టు అధికారులు. ఫైవ్‌స్టార్‌ హోటల్స్‌లో కస్టమర్లను రిసీవ్‌ చేసుకునే రీతిలో.. 50 మంది వాలంటీర్లను నియమించారు. ఈ సేవలను సీఈవో SGK కిశోర్‌ లాంఛనంగా ప్రారంభించారు. దేశీయ, అంతర్జాతీయ ప్రయాణాలకు సంబంధించి బ్యాగేజ్‌ స్టాపింగ్‌ విధానాన్ని పూర్తిగా రద్దు చేసినట్లు కిశోర్‌ ప్రకటించారు. మరో నెలరోజుల్లో అన్ని విమాన సర్వీసులను ఈ-బోర్డింగ్‌తో అనుసంధానం చేయనున్నట్లు ఆయన చెప్పారు. త్వరలోనే వాలంటీర్ల సంఖ్యను 150కి పెంచనున్నట్లు కిశోర్‌ ప్రకటించారు.