మనమా:  కల్పిత వాణిజ్య రికార్డుల ద్వారా చట్టవిరుద్ధంగా వర్క పర్మిట్లను పొందిన మూడు వేర్వేరు కేసులలో ఎనిమిది మంది నిందితులను క్రిమినల్ కోర్టులు దోషులుగా నిర్ధారించాయని పబ్లిక్ ప్రాసిక్యూషన్ అధిపతి ప్రకటించారు.

మొదటి కేసులో.. ఐదుగురు నిందితులకు ఒక సంవత్సరం జైలు శిక్ష విధించింది. ఉనికిలో లేని కంపెనీలకు సంబంధించిన 51 వాణిజ్య రికార్డులను ఉపయోగించి 93 వర్క్ పర్మిట్లు పొందినట్లు తేలిన తర్వాత వారిని శాశ్వతంగా బహిష్కరించాలని ఆదేశించింది.   

రెండవ కేసులో.. 32 కల్పిత వాణిజ్య రికార్డుల ద్వారా 61 వర్క్ పర్మిట్‌లను చట్టవిరుద్ధంగా పొందినందుకు ఒక నిందితుడికి 61,000 దినార్ల జరిమానా మరియు శాశ్వతంగా బహిష్కరణ వేటు వేసింది. 

మూడవ కేసులో.. కల్పిత కంపెనీల కింద నమోదు చేయబడిన 21 వాణిజ్య రికార్డుల ద్వారా 42 వర్క్ పర్మిట్‌లను పొందినందుకు కోర్టు మొదటి నిందితుడికి 40,000 దినార్ల జరిమానా మరియు రెండవ నిందితుడికి 2,000 దినార్ల జరిమానాతో పాటు శాశ్వతంగా బహిష్కరించాలని ఆదేశించింది.