బ్రిటన్‌కు ఉగ్రముప్పు పొంచి ఉన్నట్లు ఆ దేశ ఇంటెలిజెన్స్‌ వర్గాలు హెచ్చరికాలు జారీ చేశాయి. ముఖ్యంగా అణు విద్యుత్‌ కేంద్రాలు, విమానాశ్రయాలకు ఉగ్ర ప్రమాదం ఉందని పేర్కొంది. దీంతో అక్కడి ప్రభుత్వం హైఅలర్ట్‌ ప్రకటించింది. ఎక్కడికక్కడ అనుమానస్పద వ్యక్తులను, వాహనాలను తనిఖీ చేస్తున్నారు.

ఐసీస్‌, ఇతర ఉగ్రవాద సంస్థలు విమానాశ్రయాల్లోని స్కానర్ల కళ్లుగప్పే విధంగా ల్యాప్‌టాప్‌లు, మొబైల్‌ ఫోన్లు, ఇతర ఎలక్ట్రానిక్‌ ఉత్పత్తుల్లో అమర్చగలిగే బాంబులను తయారు చేస్తున్నట్లు నిఘా వర్గాలు అనుమానిస్తున్నాయి. ఈ నేపథ్యంలో భద్రతను కట్టుదిట్టం చేశాయి.