ఈ-కామర్స్ దిగ్గజం బిగ్ బిలియన్ సేల్‌ను ప్రకటించింది. అక్టోబర్ 13వ తేదీ నుంచి 17వ తేదీ వరకు ఈ సేల్ నిర్వహించనుంది. ఈ సందర్భంగా 70కి పైగా కేటగిరీల్లో లక్షలాది ఉత్పత్తులపై కంపెనీ అద్భుతమైన ఆఫర్లు, భారీ స్థాయిలో డిస్కౌంట్లు కస్టమర్లకు ఆఫర్‌ చేయనుంది. అప్లికేషన్‌ ద్వారా మాత్రమే వినియోగదారులు ఈ ఆఫర్లను పొందవచ్చు. గత యేడాది కూడా ఇదే తరహాలో బిగ్ బిలియన్ సేల్‌ను నిర్వహించింది కూడా. దసరా పండగల సీజన్‌ ప్రారంభమవుతున్న నేపథ్యంలో కస్టమర్లు వివిధ రకాల బహుమతులు, ఉత్పత్తులు తమ కుటుంబ సభ్యులు, స్నేహితుల కోసం బిగ్‌ బిలియన్‌ సేల్‌ ద్వారా కొనుగోలు చేయవచ్చని ఆ కంపెనీ విడుదల చేసిన ఓ ప్రకటనలో పేర్కొంది. మొత్తం ఐదు రోజుల పాటు జరిగే ఈ షాపింగ్‌ ఫెస్టివల్‌లో మింత్రా కూడా భాగంగా ఉంటుందని, దీని ద్వారా వివిధ రకాల ఫ్యాషన్‌ బ్రాండ్లపై ఆఫర్లు ఇవ్వనున్నట్టు కంపెనీ పేర్కొంది.