అక్షయ్‌కుమార్‌, సోనమ్‌ కపూర్‌.. ఇద్దరూ జాతీయ అవార్డ్స్‌ అందుకున్నవారే. అక్షయ్‌ 'రుస్తుం' చిత్రంలో నేవీ ఆఫీసర్‌గా చేసిన అద్భుత నటనకు.. 'నీర్జా' చిత్రంలో ఎయిర్‌ హోస్టెస్‌గా సోనమ్‌ చేసిన టెరిఫిక్‌ పర్ఫార్మెన్స్‌కూ జాతీయ అవార్డులు వరించాయి. అక్షయ్‌, సోనమ్‌ నటించిన ఈ రెండు చిత్రాలు బయోపిక్‌లే. ఇద్దరూ సినిమా ఆసాంతం యూనిఫామ్‌లో కనిపిస్తారు. ఇది ఓ ఎత్తయితే, మరో ఆశ్చర్యమేంటంటే.. వీరిద్దరూ 'ప్యాడ్‌మాన్‌' షూటింగ్‌లో ఉండగా నేషనల్‌ అవార్డ్స్‌ రావటం. దీంతోపాటు జాతీయ అవార్డు అందుకోవటం ఇద్దరికీ తొలిసారే. ఈ నటుల పేర్లలో చివరి అక్షరం 'ఆర్‌'. మొత్తానికి ఇలా ఈ జాతీయ అవార్డుల గ్రహీతల మధ్య అనుకోని సారూప్యతలు ఇన్ని ఉన్నాయి.
ఇదిలా ఉంటే.. జాతీయ అవార్డ్స్‌ ప్రకటించిన వెంటనే ఈ హీరో, హీరోయిన్‌ 'ఆశ్చర్యంగా ఫీలయ్యేట్లు' సెట్‌లో ఓ ఫొటోకు పోజిచ్చారు. ఈ ఫొటోని సోనమ్‌కపూర్‌ ఇన్‌స్టాగ్రామ్‌లో షేర్‌ చేసింది. 'షాక్డ్‌ అండ్‌ గ్రేట్‌ఫుల్‌' అంటూ కామెంట్‌ చేసింది.
ఈ ఫొటో ప్రస్తుతం సోషల్‌ మీడియాలో హల్‌చల్‌ చేస్తోంది