సంపత్ నంది దర్శకత్వంలో గోపీచంద్  హీరోగా 'గౌతమ్ నంద' తెరకెక్కుతున్న విషయం తెలిసిందే.రీసెంట్ గా ఈ సినిమా టీమ్ దుబాయ్ లో ఒక షెడ్యూల్ ను పూర్తి చేసి, హైదరాబాద్ కి తిరిగొచ్చేసింది. దుబాయ్ లో కొన్ని సీన్స్ తో పాటు రెండు పాటలను షూట్ చేశారు.

గోపీచంద్ ఇంట్రడక్షన్ సాంగ్, నాయకా నాయికల మధ్య రొమాంటిక్ సాంగ్ ను అక్కడ తెరకెక్కించారు. రాజు సుందరం, దినేష్ మాస్టర్ కొరియోగ్రఫీని అందించిన ఈ పాటలు చాలా బాగా వచ్చాయని సంపత్ నంది చెప్పాడు. తమన్ అందించిన సంగీతం ఈ సినిమాకి ప్రత్యేక ఆకర్షణగా నిలుస్తుందని అన్నాడు. సాధ్యమైనంత త్వరగా ఈ సినిమాను ప్రేక్షకుల ముందుకు తీసుకురావాలనే ఆలోచనలో ఉన్నారు ఫిల్మ్ యూనీట్.    

ఈ చిత్రానికి యు.ఏ.ఈ లో  ఏ.కె.యస్ గ్లోబల్ మీడియా & ఎంటర్టైన్మెంట్ సంస్థ అధినేత అశ్వని కుమార్ సహదేవ్, ప్రొడక్షన్ మేనేజర్స్ దుబాయ్ దేవా, నిఖిల్ సహాయ సహకారాలు అందించారు.