కువైట్‌ ఫైర్‌ సర్వీస్‌ డైరెక్టరేట్‌, వాతావరణంలో అనూహ్య మార్పులతో గాలులు అత్యంత వేగంతో వీచే అవకాశం ఉన్నందున ప్రతి ఒక్కరూ అప్రమత్తంగా ఉండాలని హెచ్చరించింది. సిటిజన్స్‌ అలాగే వలసదారులు సముద్ర తీర ప్రాంతాల్లోకి వెళ్ళేటప్పుడు, సీ క్రూయిజస్‌లో వెళ్ళాలనుకునేవారు అప్రమత్తంగా ఉండటం అవసరమని పలు ఛానళ్ళ ద్వారా వాతావరణ హెచ్చరికలు జారీ చేస్తున్నారు. విపత్కర పరిస్థితులు ఎదురైనప్పుడు 112 నెంబర్‌కి ఫోన్‌ చేయాలని అధికారులు సూచించారు. మెరైన్‌ ఫైర్‌ స్టేషన్లను వాతావరణ పరిస్థితులపై అప్రమత్తం చేశారు. ఇరవై నాలుగ్గంటలూ ఈ స్టేషన్లలో సిబ్బంది అందుబాటులో ఉంటారు.