అతిలోక సుందరి గా యూవత్ సినీ ప్రేక్షకులను అలరించిన శ్రీదేవి , పెళ్లి చేసుకున్న తర్వాత వెండి తెర కు దూరమయ్యింది. 2012 లో 'ఇంగ్లీష్ వింగ్లీష్' చిత్రం తో రీ ఎంట్రీ ఇచ్చి మళ్లీ ప్రేక్షకులను అలరించింది..తాజాగా తన భర్త బోనీకపూర్ నిర్మాణం లో 'మామ్' చిత్రం తో త్వరలో రాబోతుంది. మొదటగా ఈ చిత్రాన్ని హిందీ లో మాత్రమే రిలీజ్ చేయాలనీ అనుకున్నప్పటికీ , టీజర్ కు వచ్చిన రెస్పాన్స్ చూసి హిందీతో పాటు తెలుగు, తమిళ భాషల్లో కూడా రిలీజ్ చేయాలని నిర్ణయించారు.
మూడు భాషలతో పాటు మలయాళ భాషలో కూడా డబ్ చేయాలని నిర్ణయించారట. దీంతో మొత్తం నాలుగు భాషల్లో జూలై 7వ తేదీన రిలీజ్ చేయబోతున్నారు. బాలీవుడ్ దర్శకుడు రవి ఉద్యావర్ డైరెక్ట్ చేస్తున్న ఈ సినిమాలో నవాజుద్దీన్ సిద్ధికి, అక్షయ్ ఖన్నా, అభిమన్యు సింగ్ లు పలు కీలక పాత్రల్లో కనిపించనున్నారు.