బాలీవుడ్‌ నటుడు రణ్‌బీర్‌ కపూర్‌ ఇంట బాజాభజంత్రీలు మోగనున్నాయా? అవుననే అంటున్నాయి బాలీవుడ్‌ వర్గాలు. ఇటీవల రణ్‌బీర్‌.. తల్లిదండ్రులు రిషి కపూర్‌, నీతూ కపూర్‌తోకలిసి విహారయాత్రకు లండన్‌ వెళ్లాడు. అయితే వారు వెళ్లింది విహారయాత్రకు కాదని లండన్‌లో పెళ్లిచూపుల నిమిత్తం తెలిసిన వారింటికి వెళ్లినట్లు బాలీవుడ్‌ వర్గాల సమాచారం. అయితే ఇప్పటి వరకు దీనిపై ఎటువంటి అధికారిక ప్రకటన రాలేదు.
రణ్‌బీర్‌.. ప్రేయసి కత్రినాకైఫ్‌తో విడిపోయాక వీరిద్దరూ జంటగా ‘జగ్గా జాసూస్‌’ సినిమాలో నటిస్తున్నారు. దాంతో కనీసం ఈ సినిమా ద్వారానైనావీరిద్దరూ కలవకపోరా అని అభిమానులు ఎదురుచూశారు. ఇప్పుడు రణ్‌బీర్‌ కోసం లండన్‌ వధువు రాబోతోందని కత్రినా ఫ్యాన్స్‌ అప్‌సెట్‌ అయ్యారట.