శ్రుతి హాసన్‌ ప్రధాన పాత్రలో తమిళ దర్శకుడు సుందర్‌.సి రూపొందిస్తున్న చిత్రం 'సంగమిత్ర'. ఈ సినిమా ఫస్ట్‌లుక్‌ను విడుదలచేశారు. ఇందులో వీర నారిగా కనిపించింది శృతి హాసన్. ఈ చిత్రం 'బాహుబలి' తరహాలో రెండు భాగాలుగా రూపొందిస్తారని సమాచారం. అంతేకాదు దాదాపు రూ.150 కోట్ల బడ్జెట్‌తో ఈ సినిమాని నిర్మిస్తున్నారట.
ఇందుకోసం శృతి కత్తిసాములో సైతం శిక్షణ తీసుకుంటోంది. టిమ్‌ క్లోజ్‌ క్లోజ్‌ అనే ఫైట్‌ మాస్టర్‌ ఆధ్వర్యంలో లండన్‌లో ఆమె ఫైట్స్‌ నేర్చుకుంటోంది. ఇక ఈ సినిమాలో ఆర్య, జయం రవి కూడా నటిస్తున్నారు. చిత్రానికి ఏఆర్‌ రెహమాన్‌ స్వరకర్త.