ఎన్టీఆర్ నటిస్తున్న 'జై లవకుశ' ఫస్ట్‌లుక్ రిలీజైంది. యంగ్ టైగర్ బర్త్ డేకి ఒకరోజు ముందుగానే ప్రొడ్యూసర్ లుక్‌ని విడుదల చేశాడు. ఫస్ట్‌టైమ్ త్రిబుల్ రోల్స్ చేస్తున్న జూనియర్‌ని డిఫరెంట్ గెటప్స్‌లో చూపించాడు డైరెక్టర్ బాబీ. రెండు పిక్స్‌ని బయట పెట్టి, థర్డ్ లుక్‌ని సస్పెన్స్‌లో పెట్టేశాడు. దీంతో వాటిపై చర్చించుకోవడం సినీ లవర్స్ వంతైంది. ఎన్టీఆర్ అభిమానులైతే ఫుల్‌ఖుషీ. గెటప్‌ని చూసి మాస్ ఎలిమెంట్స్ భారీగానే వుంటాయని అంటున్నారు. పొలిటికల్ నేపథ్య మూవీ అని, ముగ్గురులో ఒకరు విలన్ కావడంతో ఎన్టీఆర్ వెనుక రావణాసుడుని చూపించాడని అంటున్నారు. ఇలా ఎవరికివారు తమ అభిప్రాయాలను సోషల్ మీడియా ద్వారా బయట పెడుతున్నారు. ఇంతకీ ఎన్టీఆర్ థర్డ్ గెటప్ ఎప్పుడంటూ ప్రశ్నిస్తున్నారు. ఈ హీరో పక్కన నివేదాథామస్, రాశీ ఖన్నా హీరోయిన్లు. నందమూరి ఆర్ట్స్ పతాకంపై కళ్యాణ్‌రామ్ దీన్ని నిర్మిస్తున్నాడు.