హీరో ప్రభాస్ తన తాజా చిత్రం సాహో షూటింగ్ కోసం రెడీ అవుతున్నాడు. బాహుబలి-2 సక్సెస్ తర్వాత అమెరికాలో హాలిడే ట్రిప్ ఎంజాయ్ చేస్తున్న ప్రబాస్.. అక్కడినుంచి హైదరాబాద్ కు తిరిగిరాగానే సాహో సినిమా షూటింగ్ కోసం సిద్ధపడుతున్నాడు. ఈ చిత్రానికి సంబంధించి వచ్చే నెలలో కొన్ని సన్నివేశాలను ముంబైలో షూట్ చేస్తారని తెలుస్తోంది.
ముంబై తర్వాత అబూధాబీలో ఎక్కువభాగం షూటింగ్ జరుగుతుందని, ఫైట్ సీన్స్ ని యూరప్ లో చిత్రీకరిస్తారని అంటున్నారు. బాహుబలి చిత్రం కోసం అయిదేళ్ళు కష్టపడిన ప్రభాస్.. సుజిత్ డైరెక్షన్ లో వస్తున్న సాహో చిత్రాన్ని ఆరు నెలల్లో పూర్తి చేయనున్నాడని సమాచారం. ఆ తర్వాత బాలీవుడ్ దర్శక నిర్మాత కరణ్ జోహార్ తో కలిసి హిందీ సినిమా చేస్తాడట.