మస్కట్: ఒమన్ విదేశాంగ మంత్రి సయ్యద్ బదర్ హమద్ అల్ బుసైదీ.. మారిషస్ లో జరిగిన తొమ్మిదవ ఇండియన్ ఓషన్ కాన్ఫరెన్స్ లో వీడియో లింక్ ద్వారా పాల్గొన్నారు. ఈ కార్యక్రమంలో మారిషస్ ప్రధానమంత్రి నవీన్ రామ్‌గూలాంతో పాటు హిందూ మహాసముద్ర దేశాల విదేశాంగ మంత్రులు, ఉన్నతాధికారులు పాల్గొన్నారు.

ఈ సందర్భంగా సముద్ర భద్రత, నౌకాయాన స్వేచ్ఛ, సముద్ర వనరుల సుస్థిర నిర్వహణ మరియు ప్రాంతీయ భాగస్వామ్యాన్ని బలోపేతం చేయడం వంటి ఉమ్మడి సవాళ్లపై చర్చించారు. 

ప్రస్తుత ప్రాంతీయ పరిణామాల కారణంగా తాను వ్యక్తిగతంగా హాజరు కాలేకపోయినందుకు ఒమన్ విదేశాంగ మంత్రి విచారం వ్యక్తం చేశారు. హిందూ మహాసముద్ర ప్రాంతంలో భద్రత మరియు స్థిరత్వాన్ని బలోపేతం చేయడానికి మరింత బలమైన అంతర్జాతీయ ప్రయత్నాలకు ఆయన పిలుపునిచ్చారు.

నౌకాయాన స్వేచ్ఛను పరిరక్షించడం, సముద్ర ప్రయోజనాలను కాపాడటం యొక్క ఆవశ్యకతను ఆయన వివరించారు. సముద్ర చట్టంతో సహా అంతర్జాతీయ చట్టాలను ఒమన్ గౌరవిస్తుందని తెలిపారు. హిందూ మహాసముద్రానికి, దాని ప్రజలకు సురక్షితమైన, సుస్థిరమైన భవిష్యత్తును అందించడానికి అవగాహన, సహకారాన్ని బలోపేతం చేయడంపై దృష్టి సారించినట్లు తన సోషల్ మీడియా లో చేసిన ఒక పోస్ట్‌లో వెల్లడించారు.  భద్రతను పెంపొందించడానికి,  నౌకాయాన, వాణిజ్య స్వేచ్ఛకు మద్దతు ఇవ్వడానికి హిందూ మహాసముద్రానికి బలమైన సామూహిక నాయకత్వం అవసరమని విదేశాంగ మంత్రి అల్ బుసైదీ అభిప్రాయపడ్డారు.