ఎన్టీఆర్ కు భారతరత్న ఇవ్వాలనేది తెలుగు ప్రజల చిరకాల కోరిక. దీనిపై ప్రతీ యేడాది తెలుగు వాళ్లు డిమాండ్ చేస్తూనే ఉన్నారు. కేంద్రం ఏదో ఒక సాకు చెబుతూనే ఉంది. తాజాగా.. ఈ అంశంపై కేంద్ర హోంశాఖ సహాయ మంత్రి కిరణ్ రిజిజు స్పందించారు. ఎన్టీఆర్ కు  భారతరత్న పురస్కారం ఇవ్వాలంటూ గతంలో శ్రీకాకుళం ఎంపీ రామ్మోహన్ నాయుడు రాసిన లేఖను పీఎంఓకు పంపించినట్టు ఆయన చెప్పారు. ప్రధాని కార్యాలయం ఆ లేఖను పరిశీలించి తగు నిర్ణయం తీసుకుంటుందంటూ మరోసారి సమాధానం దాటేశారు కేంద్ర మంత్రి.