రస్‌ అల్‌ ఖైమా పోలీసులు ట్రాఫిక్‌ చలానాలకు డిస్కౌంట్లు ప్రకటించారు. ఈ డిసెంబర్‌ నుంచి ట్రాఫిక్‌ చలాన్లు చెల్లించేవారు ఎంత త్వరగా వాటిని చెల్లిస్తే, అంత ఎక్కువగా డిస్కౌంట్లు పొందే అవకాశం ఉంది. రస్‌ అల్‌ ఖైమా పోలీస్‌ డిపార్ట్‌మెంట్‌, డైరెక్టర్‌ జనరల్‌ ఆఫ్‌ సెంట్రల్‌ ఆపరేషన్స్‌ అహ్మద్‌ ఘనిమ్‌ మాట్లాడుతూ ఈ విషయాన్ని ధృవీకరించారు. చలానాను 50 రోజుల్లోగా చెల్లిస్తే, 50 శాతం డిస్కౌంట్‌ లభిస్తుందట. 51 నుంచి 80 రోజుల్లో చెల్లిస్తే 30 శాతం డిస్కౌంట్‌ ఇస్తారు. 80 రోజుల తర్వాత చెల్లించాలనుకునేవారికి ఎలాంటి డిస్కౌంట్లూ లభించవు. రస్‌ అల్‌ ఖైమాకి చెందిన చలాన్లకే ఈ డిస్కౌంట్‌ సౌకర్యం ఉంటుందన్నారు బ్రిగేడియర్‌ ఘనిమ్‌. 

--సి.శ్రీ(దుబాయ్)