యూఏఈ నివాసితులకు వచ్చేవారంలో లాంగ్‌ వీకెండ్‌ సంతోషాన్ని పంచనుంది. వారాంతంతో కలుపుకుని నాలుగు రోజులు పబ్లిక్‌ సెక్టార్‌లోనివారికి సెలవులు లభించనున్నాయి. ఈ ఏడాదిలో చాలా పర్వదినాలు వారాంతంతో కలుపుకుని రావడం జరిగింది. హిజ్రి క్యాలెండర్‌ ప్రకారం ఇస్లామిక్‌ సంవత్సరం వచ్చేవారం ప్రారంభమవుతుంది. ఆ మొదటి రోజును పబ్లిక్‌, ప్రైవేట్‌ సెక్టార్లకు సెలవు దినంగా ప్రకటించారు. క్యాలెండర్‌ ప్రకారం చూస్తే అక్టోబర్‌ 14, లేదా అక్టోబర్‌ 15న కొత్త ఇస్లామిక్‌ సంవత్సరం ప్రారంభమవుతుంది. అధికారికంగా సెలవు దినాన్ని (తేదీతో సహా) ఇంకా ప్రకటించవలసి ఉంది. వరుసగా సెలవులు వస్తుండడంతో పర్యాటక ప్రాంతాలు ప్రజలతో కళకళ్ళాడనున్నాయి.

--సి.శ్రీ(దుబాయ్)