దుబాయ్‌: దుబాయ్‌ - అల్‌ అయిన్‌ రోడ్‌పై సోమవారం, ఓ కారు అగ్నికీలల్లో చిక్కుకుంది. ఈ కారణంగా రోడ్డుపై ట్రాఫిక్‌కి తీవ్ర ఇబ్బందులో ఏర్పడ్డాయి. అయితే ఈ ఘటనలో ఎవరికీ ఎలాంటి గాయాలు అయినట్లు సమాచారం అందలేదు. ఉదయం 9 గంటల సమయంలో ఈ ప్రమాదం చోటు చేసుకున్నట్లు దుబాయ్‌ పోలీసులు వెల్లడించారు. వాహనాలు నడిపేటప్పుడు వాహనదారులు అప్రమత్తంగా ఉండాలని ఈ సందర్భంగా దుబాయ్‌ పోలీసులు విజ్ఞప్తి చేశారు. అగ్ని ప్రమాదానికి గల కారణాలు తెలియవలసి ఉంది. సాధారణంగా కార్లలో అక్రమంగా ఏర్పాటు చేసే ఎలక్ట్రానిక్‌ వైరింగ్‌ వల్లనే ప్రమాదాలు చోటు చేసుకుంటాయని నిపుణులు చెబుతున్నారు. రెగ్యులర్‌ మెయింటెనెన్స్‌ చేయించడం ద్వారా ప్రమాదాలను నివారించవచ్చు. ఫ్యూయల్‌ నింపేటప్పుడు ఇంజిన్‌ని ఆఫ్‌ చేయడం, కారులో స్మోకింగ్‌ చేయకపోవడం వంటి చర్యలతో ప్రమాదాలు నివారించే అవకాశం ఉంది.