బొకారో ఎక్స్‌ప్రెస్‌లో ప్రయాణిస్తున్న ఓ కుటుంబంలోని ఐదేళ్ల చిన్నారికి శనివారం అర్థరాత్రి సమయంలో తీవ్రమైన జ్వరం వచ్చింది.  ఆందోళనకు గురైన తండ్రి మనీష్ వెంటనే ట్విట్టర్‌లో రైల్వే మంత్రిత్వశాఖకు సమాచారమిచ్చి వైద్య సహాయం అందించాలని కోరారు.  ఆ సమాచారాన్ని అందుకున్న వాల్తేరు డివిజనల్ రైల్వే మేనేజర్ ముకుల్ శరణ్ మాథుర్ రాయగడ, విజయనగరం రైల్వే స్టేషన్ వద్ద వైద్యులను సిద్ధం చేశారు.  రైలు రాయగడ చేరుకున్న వెంటనే వైద్య బృందం పాపకు చికిత్స అందించింది.  తన బిడ్డ ప్రాణాలు కాపాడారంటూ మనీష్ డీఆర్ఎంకు కృతజ్ఞతలు తెలుపుతూ ట్వీట్ చేశారు