మరోసారి తెలంగాణ రాష్ట్రం లో కొలువుల జాతర మొదలయ్యింది. రాష్ట్రవ్యాప్తంగా వివిధ విద్యాసంస్థల్లో 20వేల ఉద్యోగాల నియామకాలకు గ్రీన్ సిగ్నల్ ఇచ్చారు ముఖ్యమంత్రి కేసీఆర్‌. టీఎస్‌పీఎస్‌సీ ఛైర్మన్‌ ఘంటా చక్రపాణితో భేటీ అయినా ముఖ్య మంత్రి ఈ విషయాన్నీ ప్రకటించారు.
84 కస్తూర్భా గాంధీ బాలికల విద్యాలయాల్లో 1428 ఉద్యోగాలు, కొత్త జిల్లా కేంద్రాల్లోని 29 పట్టణ గురుకులాల్లో 377 ఉద్యోగాల నియామకాలు చేపట్టాలని అధికారాలకు సూచించారు. దీంతో పాటు 8792 ఉపాధ్యాయ పోస్టుల భర్తీకి వెంటనే నోటిఫికేషన్‌ జారీచేయాలని ఆదేశించారు. దీంతో కళాశాలు, ప్రభుత్వ శాఖల్లో 2437 పోస్టుల భర్తీకి జూన్‌ 2న నోటిఫికేషన్‌ జారీచేయనున్నట్లు ఘంటా చక్రపాణి తెలిపారు. ఉద్యోగ నియామకాలన్నీ వీలైనంత త్వరగా చేపడతామని తెలిపారు.