ప్రపంచాన్ని గడగడలాడిస్తున్న ఇస్లామిక్ టెర్రిరిస్టు సంస్థ  ఐసిస్ కు గట్టి ఎదురుదెబ్బ తగిలింది. ఐసిస్ కు చెందిన వార్తా సంస్థను స్థాపించిన బరా కడెక్... బాంబు దాడిలో చనిపోయినట్లు అతని సోదరుడు హజైఫా తెలిపాడు. బరా కడెక్ ఆమక్ అనే  సంస్థద్వారా ఐసిస్ చర్యలను ప్రపంచానికి తెలియజేస్తుండేవాడు. తూర్పు సిరియాలోని మయదీన్ పట్టణంలో గల అతని ఇంటిపై జరిగిన దాడిలో బరా కడెక్ మరణించినట్లు తెలిసింది. అమెరికా సారధ్యంలోని సంకీర్ణదళాలు జరిపిన దాడిలో ఇతను చనిపోయినట్లు హలాబ్ న్యూస్ నెట్ వర్క్ సైతం వెల్లడించింది. బరా కడెక్ మరణం ఐసిస్ కు భారీ నష్టంగా చెప్పవచ్చు.