అపార్ట్‌మెంట్లలో దొంగతనాలు ఆందోళన కలిగిస్తున్నాయి. వెకేషన్‌ కోసం టెనెంట్స్‌ ఇతర ప్రాంతాలకు వెళుతున్నప్పుడు ఈ దొంగతనాలు ఎక్కువగా జరుగుతున్నాయి. కువైట్‌లో నివసిస్తున్న వలసదారులు ఈ దొంగతనాలతో ఆందోళన చెందుతున్నారు. ఎక్కువమంది భారతీయులు నివసించే అబ్బాస్సియా ప్రాంతంలో ఇటీవల ఓ దదంగతనం జరిగింది. ఆ దొంగతనంతో ఓ భారతీయ కుటుంబం తీవ్రంగా నష్టపోయింది. వెకేషన్‌ నుంచి తిరిగివచ్చిన ఆ కుటుంబానికి తమ ఇంట్లో జరిగిన దొంగతనం తీవ్ర వేదనను మిగిల్చింది. బాత్రూమ్‌లోని ఫ్రెష్‌ ఎయిర్‌ ఫ్యాన్‌ని తొలగించి, ఆ మార్గం ద్వారా దొంగలు తమ ఇంట్లోకి ప్రవేశించినట్లు బాధిత కుటుంబం గుర్తించింది. ఇంట్లో విలువైన వస్తువుల్ని ఉంచకపోవడం, అలాగే వెకేషన్‌కి వెళ్ళేవారు పోలీసులకు తగిన సమాచారం ఇవ్వడం మంచిదని అధికారులు ఈ దొంగతనాల నేపథ్యంలో సూచనలు చేస్తున్నారు.