‘కౌన్‌ బనేగా కరోడ్‌పతి’తో బుల్లితెరపై తనదైన ముద్రవేశారు అమితాబ్‌. విశేష ప్రేక్షకాదరణ చూరగొన్న ఈ కార్యక్రమం ద్వారానే మరోసారి అలరించేందుకు బిగ్‌ బీ సిద్ధమయ్యారు. 9వ సీజన్‌ ఆగస్టు- సెప్టెంబర్‌ మాసాల్లో ప్రారంభం కానుందని, మరోసారి ప్రేక్షకుల ముందుకు రానున్నట్టు ఆయన తన వ్యక్తిగత బ్లాగ్‌లో అభిమానులతో పంచుకున్నారు. అమితాబ్‌ 2000 సంవత్సరం నుంచి ఇప్పటివరకూ ఏడు సార్లు వ్యాఖ్యాతగా వ్యవహరించి అభిమానుల ఆదరాభిమానాలు పొందారు. ఈ షో ద్వారా అమితాబ్‌ తన జీవిత అనుభవాలను అభిమానులతో పంచుకునేవారు. ఒక్క 3వ సెషన్‌లో మాత్రమే ఈ ‘పింక్‌స్టార్‌’ పాల్గొనలేకపోయారు. అప్పటి షోకు షారూఖ్‌ ఖాన్‌ వ్యాఖ్యాతగా వ్యవహరించారు. అయితే, మళ్లీ తాజాగా అమితాబ్‌ ఈ షోతో ప్రేక్షకుల ముందుకు వస్తుండటం అభిమానులకు తీపికబురే మరి.