మనామా : ఒక కిలోగ్రాము గంజాయితో దొరికిపోయిన ఆసియా దేశానికి చెందిన మాధకద్రవ్యాల చిరు వ్యాపారిని శుక్రవారం అరెస్టు చేసినట్లు భద్రతా అధికారులు ప్రకటించారు. నేర పరిశోధన మరియు ఫోరెన్సిక్ సైన్స్ జనరల్ డైరెక్టర్ కల్నల్ అబుద్ధులాజిజ్ అల్ రుమేహి ఈ సందర్భంగా మాట్లాడుతూ, పట్టుబడిన ఆ నిందితుని వద్ద నార్కోటిక్ మాత్రలు అలాగే కిలో గంజాయిని కలిగి ఉన్నట్లు ధ్రువీకరించారు, ఆ వ్యక్తి నుంచి  స్వాధీనం చేసుకున్న మాత్రల విలువ 9,200 బహెరిన్ దినార్ల విలువ చేస్తుందని అలాగే ఆ మొత్తం మాదక ద్రవ్యాల అమ్మకం ద్వారా వచ్చిన సొమ్ముని నిందితుడు వివిధ దేశాల కరెన్సీలతో భద్రపర్చాడని పోలీసులు పేర్కొంటున్నారు. నిందితుని వద్ద ఉన్నమొత్తాన్ని జప్తు చేశారు. పట్టుబడిన నిందితుడ్ని పబ్లిక్ ప్రాసిక్యూషన్ , నార్కోటిక్స్ నుండి ఒక వారెంట్ ద్వారా అరెస్ట్ చేశారు.ఈ కేసును విచారణ చేయడానికి చట్టపరమైన చర్యలు తీసుకోవడం జరుగుతుందని పోలీసులు తెలిపారు.