జెట్‌ ఎయిర్‌వేస్‌, జెట్‌ ప్రివిలేజ్‌ మెంబర్స్‌ కోసం సరికొత్త ఆఫర్‌ని తీసుకొచ్చింది. జూన్‌ 24 నుంచి బుక్‌ చేసుకునే టిక్కెట్లకు అత్యధికంగా మూడు రెట్ల బోనస్‌ జెపి మైల్స్‌ని అందించనుంది. ఒమన్‌ నుంచి వెళ్ళే ప్రయాణాలకు ఇది వర్తిస్తుంది. ఈ ఆఫర్‌ జెట్‌ ప్రివిలేజ్‌కి సంబంధించిన మెంబర్స్‌ అందరికీ వర్తిస్తుంది. ఈ ఆఫర్‌ కింద టిక్కెట్లు బుక్‌ చేసుకున్నవారు జూన్‌ 28 నుంచి డిసెంబర్‌ 6 మధ్యలో ప్రయాణించాల్సి ఉంటుంది. జెట్‌ ఎయిర్‌ వేస్‌ ఒమన్‌ జనరల్‌ మేనేజర్‌ వాసిమ్‌జైది మాట్లాడుతూ, ఫెస్టివ్‌ సీజన్‌, అలాగే స్కూల్‌ హాలీడేస్‌ నేపథ్యంలో ప్రయాణీకులకు అద్భుతమైన ప్రయాణానుభూతితోపాటు, ఆకర్షణీయమైన ఆఫర్లను అందించే క్రమంలోనే ఈ నిర్ణయం తీసుకున్నట్లు చెప్పారు. జెట్‌ ఎయిర్‌ వేస్‌ వెబ్‌సైట్‌ ద్వారా జెట్‌ ప్రివిలేజ్‌ ప్రోగ్రామ్‌లో తమ పేర్లను నమోదు చేసుకోవడానికి వీలుంది. ఆ వెంటనే జెపి మైల్స్‌ బోనస్‌ పాయింట్స్‌ని పొందవచ్చు.