మస్కట్‌: వందలాదిమంది బ్లూ కాలర్‌ వలస కార్మికులకు ఉచిత ఇఫ్తార్‌ మీల్స్‌ని గత సోమవారం అందజేశారు. ఫహాదత్‌ ఇనీషియేటివ్‌ పేరుతో 50 మంది ఒమనీయులు ఈ కార్యక్రమాన్ని చేపట్టారు. సోషల్‌ అవేర్‌నెస్‌నీ, ఛారిటీ వర్క్‌నీ చాటి చెప్పేందుకోసం పలు ఈవెంట్స్‌ నిర్వహిస్తున్నారు. ఫహాదత్‌, సోమవారం కన్‌స్ట్రక్షన్‌ రంగంలోని వలసదారులకు బౌషార్‌లో ఇఫ్తార్‌ విందుని ఏర్పాటు చేయడం జరిగింది. ఈ రంగంలో పనిచేస్తున్న వలసదారుల్లో చాలామంది నాన్‌ ముస్లింలు ఉన్నప్పటికీ, వారందరికీ ఇఫ్తార్‌ మీల్స్‌ అందజేశామని నిర్వాహకులు తెలిపారు. మీట్‌ తిననివారికోసం వెజిటేరియన్‌ మీల్స్‌ని కూడా ఏర్పాటు చేయడం గమనించదగ్గ అంశంగా చెప్పుకోవాలి. రమదాన్‌లో తమతో కలిసి పనిచేయాలనుకున్నవారు ఇన్‌స్టాగ్రామ్‌ ద్వారా సంప్రదించవచ్చునని నిర్వాహకులు తెలిపారు.