ఓ కన్‌స్ట్రక్షన్‌ కంపెనీ, తమ వద్ద పనిచేస్తున్న కార్మికులకు సకాలంలో జీతాలు ఇవ్వకపోవడాన్ని జనరల్‌ ఫెడరేషన్‌ ఆఫ్‌ బహ్రెయిన్‌ ట్రేడ్‌ యూనియన్స్‌ ఖండించింది. కార్మికులు చాలా కాలంగా సరైన వేతనాలు లేక ఇబ్బంది పడుతున్నారని జిఎఫ్‌బిటియు జనరల్‌ సెక్రెటరీ హసన్‌ అల్‌హాల్వాచి చెప్పారు. ప్రైమ్‌ మినిస్టర్‌ ప్రిన్స్‌ ఖలీఫా బిన్‌ సల్మాన్‌ అల్‌ ఖలీఫా సూచనల్ని సైతం ఆ సంస్థ పట్టించుకోవడం పట్ల ఆగ్రహం వ్యక్తం చేశారాయన. రమదాన్‌ సందర్భంగా కార్మికుల సమస్యల్లో ఉండకూడదని, సంస్థ వెంటనే కల్పించుకుని సమస్యను పరిష్కరించాలని హసన్‌ చెప్పారు. మండు వేసవిలోనూ కార్మికులు తమ సమస్యలపై ఆవేదన వ్యక్తం చేస్తూ, ఆందోళనలు కొనసాగిస్తున్నారు. ఇది ఏమాత్రం మంచిది కాదని హసన్‌ అన్నారు. కింగ్‌డమ్‌లోని పలు కార్మిక సంఘాల్లో జిఎఫ్‌బిటియు ప్రధానమైనది.