ముస్లిం పవిత్ర రంజాన్‌ మాసం సందర్భంగా లెబనాన్‌ రాజధాని బీరుట్‌లో అతిపెద్ద ఇఫ్తార్‌ విందును ఏర్పాటు చేశారు. ఏక కాలంలో దాదాపు 5400 మంది ముస్లింలు ఈ ఇఫ్తార్‌ విందులో పాల్గొన్నారు. చిన్నా పెద్దా అని తేడా లేకుండా స్థానికులు, అనాధలు, శరణార్థులు ఈ ఇఫ్తార్‌ విందులో పాల్గొన్నారు. విందు కార్యక్రమానికి ముందు కళాకారులు ప్రదర్శించిన లెబనాన్‌ సంప్రదాయ నృత్యాలు ఆకట్టుకున్నాయి. లెబనాన్‌కు చెందిన అజిలోనా స్వచ్ఛంద సంస్థ రంజాన్‌ మాసం సందర్భంగా ఈ ఇఫ్తార్‌ విందును ఏర్పాటు చేసింది. ఏక కాలంలో అత్యధిక సంఖ్యలో ఒకే చోట ఇఫ్తార్‌ విందు నిర్వహించిన సంస్థగా అజిలోనా గిన్నిస్‌ బుక్‌ ఆఫ్‌ రికార్డుకెక్కింది. విందు ముగిసాక గిన్నిస్‌ రికార్డు అధికారులు ధ్రువీకరణ పత్రాన్ని సంస్థ అధ్యక్షురాలికి అందించారు.