ఆఫ్రికాలో మాలి రాజధాని బమాకోలో ఉగ్రవాదులు రెచ్చిపోయారు. ఆదివారం రాత్రి అక్కడి రిసార్ట్‌లోకి చొరబడిన టెర్రరిస్టులు జరిపిన కాల్పుల్లో ఇద్దరు మరణించగా పలువురు గాయపడ్డారు.
సుమారు 20 మందిని టెర్రరిస్టులు బందీలుగా పట్టుకున్నారు. అయితే వీరిలో కొంతమందిని సహాయక బృందాలు రక్షించాయి.
 
అల్లాహో అక్బర్ అని నినాదాలు చేస్తూ సాయుధులైన ఉగ్రవాదులు ఈ రిసార్ట్ లోకి చొరబడినట్టు ప్రత్యక్ష సాక్షులు తెలిపారు. రిసార్ట్ ఇంకా వీరి అధీనంలోనే ఉన్నట్టు తెలుస్తోంది. అటు నలుగురు ఉగ్రవాదులను భద్రతా దళాలు కాల్చి చంపాయి.