ఈశాన్య నైజీరియాలో బోకోహరమ్ ఉగ్రవాదులు మారణహోమం సృష్టించారు. నిరాశ్రయులైన వారి కోసం ఏర్పాటుచేసిన శిబిరం సమీపంలో ఆత్మాహుతి దాడికి పాల్పడటంతో 16 మంది దుర్మరణం చెందారు. మైదుగురికి సమీపంలోని కోఫా గ్రామ శిబిరం వద్ద స్థానిక కాలమానం ప్రకారం ఆదివారం సాయంత్రం 8.45 గంటలకు ఈ దాడులు జరిగినట్టు జాతీయ అత్యవసర నిర్వహణ ఏజెన్సీ తెలిపింది. ఇద్దరు మహిళా ఆత్మాహుతి బాంబర్లు ఈ దాడికి పాల్పడ్డారని ఎన్‌ఈఎంఏ అధికార ప్రతినిధి అబ్దుల్ ఖదీర్ తెలిపారు.