మధ్యాహ్నపు ఉష్ణోగ్రతలు 50 డిగ్రీలకు చేరుకున్నాయి. ఈ వారాంతంలో వేడి వాతావరణం కొనసాగుతుంది. నేషనల్‌ సెంటర్‌ ఫర్‌ మిటియరాలజీ అండ్‌ సెస్మాలజీ (ఎన్‌సిఎంఎస్‌) వెల్లడించిన వివరాల ప్రకారం, అబుదాబీలో వాతావరణం చాలా వేడిగా కొనసాగుతుందని తెలియవస్తోంది. తీవ్రమైన ఉక్కపోతతోపాటుగా, కొన్ని చోట్ల ఆకస్మిక వర్షాలు పడే అవకాశం కూడా ఉంది. వేగంగా వీచే గాలులతో రోడ్లపై దుమ్ము ధూళి ఎక్కువగా చేరొచ్చు. 38 డిగ్రీల ఉష్ణోగ్రత ఉన్నా 90 శాతం హ్యుమిడిటీ కారణంగా ఇబ్బందికర పరిస్థితులు ఈ వారాంతంలో తప్పకపోవచ్చు. కొన్ని చోట్ల మాత్రం 50 డిగ్రీలకు ఉష్ణోగ్రతలు చేరుకుంటాయి.