శ్రీనివాసరాజు ('దండుపాళ్యం' ఫేం) దర్శకత్వంలో తెరకెక్కుతోన్న చిత్రం 'ఆచార్య అరెస్ట్'. కంచిపీఠం స్వామీజీ శంకరాచార్య జయేంద్ర సరస్వతి అరెస్ట్ నేపథ్యంలో ఈ చిత్రాన్ని రూపొందిస్తున్నారు. దీన్ని తెలుగు, కన్నడ, తమిళ్, మలయాళం, హిందీ భాషల్లో తీస్తున్నట్లు చిత్ర బృందం ప్రకటించింది.
స్వామీజీ సన్నిహితులతోపాటు మరెంతో మందిని కలిసి సమగ్ర సమాచారాన్ని సేకరించినట్లు ఈ సందర్భంగా చిత్ర బృందం పేర్కొంది. దర్శకుడు రెండు సంవత్సరాలుగా ఈ స్క్రిప్టు పనిపై ఉన్నట్లు తెలిపింది. ఈ చిత్రంలో పెద్ద హీరోలు నటించనున్నారని చెప్పింది. ఈ చిత్రాన్ని ఎస్ఆర్టి ఎంటర్టైన్మెంట్స్ పతాకంపై రామ్ తాళ్ళూరి నిర్మిస్తున్నారు.