మనామా: ' మహిళ ఆకాశంలో సగం కావచ్చు గానీ ...ఆల్కాహాల్ లో మాత్రం ఫుల్ కాకూడదు.' గల్ఫ్ దేశాల సమాఖ్య కు చెందిన  ఓ మహిళ తాగడమే కాక అడ్డగోలుగా డ్రైవింగ్ చేసిన నేరానికి ఒక నెల జైలు శిక్ష మరియు1000 బిడీ ల జరిమానాతో పాటు. జైలు శిక్ష పూర్తయిన తర్వాత ఆమెకు దేశ బహిష్కరణ విధించారు.కోర్టులో నమోదు కాబడిన వివరాల ప్రకారం, జుఫెయిర్ లో పోలీసు అధికారులచే ఒక కారు   గుర్తించబడింది, పోలీసులు వాహనాన్ని సమీపిస్తుండగా,ప్రయాణీకుల సీటు నుండి  డ్రైవింగ్ సీట్లోకి ఒక్క ఉదుటన  ఒక మహిళ కూర్చొని కారును వేగంగా నడిపి కొంత దూరం వెళ్లిన తర్వాత ఇసుక ప్రాంతానికి  తీసుకెళ్లి ఆపివేసింది. ఆ మహిళ తాగి ఉన్నట్లుగా పోలీసులు కనుగొన్నారు. " నేను కారు డ్రైవింగ్ చేయడం లేదు నేను ప్రయాణీకుల సీట్లో కూర్చొని ఉన్నా...కేవలం పోలీసులు వచ్చిన తర్వాతే, నేను డ్రైవింగ్ సీట్లోనికి మారి కారు నడిపేనని ఆమె న్యాయవాదులతో చెప్పారు. ఆమె మద్యం ప్రభావానికి గురైన సమయంలో రోడ్డు నడి మధ్యలో పార్కింగ్ చేయడం... మద్యం సేవించి వాహనం నడపడం.. పోలీసు అధికారులతో వాదనకు దిగడం   తదితర కేసుల్లో ఆమెపై నేరారోపణలు రుజువు కాబడి శిక్షకు అర్హురాలయింది.