భారత స్క్వాష్ క్రీడాకారుడు హరీందర్ పాల్ సంధు సౌత్ ఆస్ట్రేలియా ఓపెన్ టైటిల్ని కైవసం చేసుకున్నాడు. టోర్నీలో భాగంగా నిర్వహించిన ఫైనల్లో హరీందర్... ఆస్ట్రేలియా క్రీడాకారుడు రిస్ డౌలింగ్పై 11-8, 12-10, 11-4తేడాతో విజయం సాధించాడు. తొలి గేమ్లో ఒకానొక దశంలో 1-7తో వెనుకబడి ఉన్న హరీందర్ ఆ తర్వాత పుంజుకుని 11-8తో కైవసం చేసుకున్నాడు. హోరా హోరీగా జరిగిన రెండో గేమ్ని 12-10తో గెలుచుకున్న హరీందర్ మూడో గేమ్లో ప్రత్యర్థికి ఏమాత్రం అవకాశం ఇవ్వలేదు.

మ్యాచ్ అనంతరం హరీందర్ మాట్లాడుతూ.. 'చల్లని వాతావరణ పరిస్థితుల మధ్య ఆడటంతో ఈ వారం చాలా కష్టంగా గడిచింది. గతంలోనూ ఎన్నోసార్లు ఆస్ట్రేలియాలో టోర్నమెంట్లు ఆడాను. మొదటిసారి ఇక్కడ పీఎస్ఏ టోర్నమెంట్ గెలవడం సంతోషంగా ఉంది. సెమీఫైనల్లో బలమైన ప్రత్యర్థిని ఎదుర్కొన్నా' అని తెలిపాడు. మొత్తంగా హరీందర్కి ఇది 8వ పీఎస్ఏ టైటిల్ కాగా ఈ సీజన్లో ఇది మూడోది. మేలో మలేసియాలో రెండు టైటిళ్లు కైవసం చేసుకున్నాడు.